Íslenski fáninn er þjóðartákn okkar Íslendinga, tákn sem við getum öll verið stolt af. Saga fánans sem við þekkjum í dag er ekki löng, enda var hann ekki samþykktur sem fáni Íslands fyrr en 19. júní 1915 af Kristjáni X Danakonungi. Ísland hefur átt nokkra eldri fána sem hafa enst mis lengi og eru í dag mis vel þekktir. Einnig eigum við til þónokkrar tillögur að Íslenska fánanum sem upphugsaðar voru af almenningi árið 1914, frá tímum fánanefndarinnar. Í dag hafa margir aðgang að fánastöng og hífa upp þjóðfánann við góð tækifæri. En þegar við notum fánann ber okkur að fylgja fánalögum sem sett hafa verið af Alþingi, og þeim leiðbeiningum sem forsætisráðuneytið hefur tekið saman. Þessi síða býður þér að fylgjast með hvenær næsti löggilti fánadagur er, auk þess sem þú getur skráð þig á póstlista til að fá skilaboð með tölvupósti, daginn fyrir alla fánadaga. Þar með þarft þú aldrei að missa af fánadegi aftur.

Næsti lögskipaði fánadagur er 27. maí Hvítasunnudagur Ekki missa af næsta fánadegi Skráðu netfangið þitt á póstlistann hérna og þú færð sendan tölvupóst, daginn fyrir alla lögskipaða fánadaga (12 dagar á ári), til að minna þig á að flagga fánannum þínum. Netfang: Bækurnar Bókin Fáninn/The Flag kom út 1. desember 2008 og sýnir tillögur almennings að hönnun íslenska fánans árið 1914. Í mars 2011 kom síðan út bókin Þjóðfáni Íslands, sem sýnir rétta notkun, virðingu og umgengni við íslenska fánann. Útgefandi Crymogea Barónsstígur 27 101 Reykjavík www.crymogea.is    Nánari upplýsingar um bækurnar eru hér til hægri

Þrjár af tillögum almennings að hönnun íslenska fánans Allar 28 tillögurnar má sjá í bókinni Fáninn/The Flag. Rauður með blám reiti í miðju og hvítur kross í (…) Köflóttur: dökkblár, hvítur, rauður, grænn, ljósblár. Blár með hvítum krossi aðallega; – margbrotinn (…) Ýmis eldri innsigli og fánar sem Ísland hefur notast við Fleiri fána og innsigli má sjá í bókinni Fáninn/The Flag. Hið upprunalega (skjaldar) merki Íslands (1258). Þorskamerkið (1593). Fáni Jörundar Hundadagakonungs (1809). Áhugaverðar síður Fánalögin Leiðbeiningar um fánanotkun Sala á íslenska fánanum Nánari upplýsingar Hörður Lárusson islenski@faninn.is (354) 699 0090

Fáninn/The Flag Árið 1914 vann fánanefndin svokölluð að því að ákveða útlit íslenska fánans. Eitt af verkefnum hennar var að fá tillögur almennings að útliti hans. Bókin Fáninn/The Flag sýnir allar þessar tillögur teiknaðar upp í fyrsta skiptið. Í bókinni er einnig stytt saga fánanefndarinnar og aðrir fánar og innsigli sem Ísland hefur átt. Bókin kom út 1. desember 2008 og er á íslensku og ensku. Hún er fáanleg í öllum helstu bókabúðum. Leiðbeinandi verð er 1914 krónur.

Þjóðfáni Íslands Seinni bókin um fánann okkar inniheldur upplýsingar og notkun, virðingu og umgengni íslenska þjóðfánans. Bókin er mjög myndræn og skýr, sem hjálpar öllum að læra betur á reglurnar og leiðbeiningarnar sem fylgja fánanum. Með betri þekkingu eykst ávallt öryggi okkar um rétta notkun, sem leiðir til meiri notkunar fánans. Bókin kom út 23. mars 2011 og er á íslensku. Hún er fáanleg í öllum helstu bókabúðum. Leiðbeinandi verð er 1990 krónur.